Главная » 2016 » Декабрь » 17 » Գումարվել է Արեւմտյան Հայաստանի Ազգային ժողովի (Խորհրդարանի) 4-րդ նստաշրջանը
20:00
Գումարվել է Արեւմտյան Հայաստանի Ազգային ժողովի (Խորհրդարանի) 4-րդ նստաշրջանը
ARMINFOCENTER:17 декабря 2016 г. начала свою работу 4-я сессия Национального Собрания (Парламента) Западной Армении
Սույն թ.-ի դեկտեմբերի 17-ին, Արեւմտյան Հայաստանի Ազգային Խորհրդի հիմնադրման օրը, գումարվել է Արեւմտյան Հայաստանի Ազգային ժողովի (Խորհրդարանի) 4-րդ նստաշրջանը:
Արեւմտյան Հայաստանի Հանրապետության Նախագահ Արմենակ Աբրահամյանը հանդես է եկել ողջույնի խոսքով, ինչպես նաեւ զեկույցով՝ Արեւմտյան Հայաստանի Հանրապետության արտաքին եւ ներքին քաղաքականության ռազմավարության վերաբերյալ:
Արեւմտյան Հայաստանի Ազգային ժողովի Նախագահ Արմեն Տեր-Սարգսյանը հանդես է եկել Խորհրդարանի 2016 թ. գործունեության վերաբերյալ զեկույցով:
Արեւմտյան Հայաստանի Հանրապետության Վարչապետ Տիգրան Փաշաբեզյանը հանդես է եկել 2016 թ. կատարած աշխատանքների վերաբերյալ հաշվետվությամբ եւ ապա ներկայացրել ապագա ծրագրերը հաստատման համար:
Լրացուցիչ ընտրությունների միջոցով Արեւմտյան Հայաստանի Ազգային ժողովի թափուր պատգամավորական տեղերում իրականացվել է նոր պատգամավորների մանդատների եւ լիազորությունների հաստատում:
Արեւմտյան Հայաստանի Ազգային ժողովի Մշտական հանձնաժողովները հաշվետու են եղել կատարած աշխատանքների վերաբերյալ եւ ապա ներկայացրել ապագա ծրագրերը:
Ելույթներով հանդես են եկել խորհրդարանի պատգամավորներ, կառավարության պաշտոնյաներ, հյուրեր:
Հանձնարարվել է Արեւմտյան Հայաստանի Ազգային ժողովի նախագահությանը պատրաստել ու հրապարակել ուղերձ Մերձավոր Արեւելքի ներկայի իրադարձությունների ու իրողությունների համատեքստում:
Այդպիսով Արեւմտյան Հայաստանի Ազգային ժողովի 4-րդ նստաշրջանը ավարտել է աշխատանքները:
