2014 թվականի Փետրվարի 25-ից մինչեւ 2015 թվականի Փետրվարի 25-ը Զորավար Անդրանիկի տարի հայտարարելու մասին Արևմտյան Հայաստանի Ազգային խորհուրդը, Արևմտյան Հայաստանի վտարանդի կառավարությունը և Արեւմտեան Հայաստանի Ազգային Ժողովը (Խորհրդարանը) մեծապես գնահատելով հայ ժողովրդի մեծ զավակ գեներալ Անդրանիկ Օզանյանի դերը 19-րդ դարի վերջի եւ 20-րդ դարի սկզբի հայ ազատագրական պայքարում եւ Հայաստանի ազատագրության գործում, որպես Բուլղարիայի ազգային հերոս, որպես Բալկանների ազատագրության մասնակից, ծննդյան 150 ամեակին ընդառաջ, հաշվի առնելով հայության եւ միջազգային ընկերակցության գործունեությունը բարձրաձայնելու Հայերի ցեղասպանության ու բռնագաղթի դատապարտման խնդիրը, որն իրականացվեց 1894-1923 թվականներին՝ թուրքական երեք իրարհաջորդ կառավարությունների կողմից՝ սուլթանական, երիտթուրքական, քեմալական, Արեւմտեան Հայաստանում եւ Կիլիկիայում, որոշում ենք՝ 2014 թվականի փետրվարից 25-ից մինչեւ 2015 թվականի փետրվարի 25-ը հայտարարել Զորավար Անդրանիկի տարի եւ կոչ ենք անում հայկական հասարակական - քաղաքական ուժերին կազմակերպել միջոցառումներ՝ նվիրված Անդրանիկ Օզանյանին, եւ պայքարի խորհրդանշական այդ դրոշի ներքո համախմբել համայն հայությանը՝ Հայկական Հարցի արդարացի հանգուցալուծում պահանջելու համար: Արևմտյան Հայաստանի Ազգային խորհրդի նախագահ` Արմենակ Աբրահամեան Արևմտյան Հայաստանի վտարանդի կառավարության վարչապետ՝ Տիգրան Փաշաբեզյան Արևմտյան Հայաստանի Ազգային ժողովի (Խորհրդարանի) նախագահ` Արմեն Տեր-Սարգսյան 25-ը փետրվարի, 2014 թ.
|