АРМИНФОЦЕНТР: Մեծ Եղեռնի հարյուրամյակի շեմին Եվրոպայի ամենախոշոր՝ Ֆրանսիայի հայկական համայնքը համախմբում է իր ջանքերն՝ ուղղված ցեղասպանության ժխտման քրեականացմանը երկրի օրենքով: Այդ նպատակով Ֆրանսահայ կազմակերպությունների համակարգող խորհուրդը՝ CCAF-ը, հունվարի 29-ին կազմակերպել էր անենամյա ճաշկերույթ-երեկո, որի հիմնական նպատակն էր Ֆրանսիայում լսելի դարձնել հայության ձայնը, մեկ անգամ եւս ներկայացնել հայկական համայնքի խնդիրները եւ պահանջները ցեղասպանության ճանաչման հետ կապված հարցում: Ինչպես հայտնում է «Նոյյան տապանի» թղթակիցը Փարիզից` երեկոյին մասնակցում էին մոտ 350 հյուրեր՝ քաղաքական գործիչներ, մտավորականներ: Ներկաների թվում էին նաեւ Ֆրանսիայի արդարադատության նախարար Քրիստիան Տոբիրան, հայազգի աշխարհահռչակ շանսոնյե Շարլ Ազնավուրը, փիլիսոփա Բեռնար Հանրի Լեվին, խորհրդարանականներ Պատրիկ Դեվեջյանը, Լիուկ Թարգոնասը, Ֆիլիպ Կալտենբակը, Անդրե Սանտինին, երգիծաբան Մատիո Մադլենիանը, երգահան Անդրե Մանուկյանը, ինչպես նաեւ Ֆրանսիայի հրեական կազմակերպությունների խորհրդի նախագահ Ռոժե Կիուչրմանը: Նախարար Տոբիրան իր ելույթում հիշատակեց հայ ժողովրդի պատմության կարգեւոր էջերը, հատկապես նշելով հայերին պատկանող Արարատ լեռն իր նշանավոր Նոյյան տապանով, եւ, ընդգծելով, որ հայերի հիշողությունը եւ պատմությունը բոլորի հիշողությունն է, հայտարարեց, որ ցեղասպանության ժխտման քրեականացման օրինագիծը անպայման պետք է Ֆրանսիայի խորհրդարանի օրակարգ մտնի՝ պաշտպանելու համար հայկական հիշողությունը: Ինչպես նշեց նախարարը, Հայոց ցեղասպանությունը նաեւ Ֆրանսիայի հիշողությունն է, եւ ուրեմն քարից հաց քամող այս ժողովրդի ողբերգությունը ժխտելը հանցանք է ֆրանսիական պետության հանդեպ: Ըստ նրա, ուրացողներին պատժելու համար անհրաժեշտ է գտնել իրավական ճիշտ գործիքներ. «Այն պահից, երբ այդ հիշողությունը դառնում է մերը, ժխտողականությունը դառնում է հանցանք մեր երկրի ամբողջականության դեմ: Անհրաժեշտ է քրեականացնել ժխտողականությունը, բայց տարիներ ի վեր բախվում ենք մի խնդրի. մշակել այնպիսի օրինագիծ, որը չի հակասի Ֆրանիսայի Սահմանադրական խորհդրի, Մարդու իրավգունքների եվրոպական դատարանի, խոսքի ազատության երաշխավորման պահանջներին»,- ասաց նախարարը: Ինչպես նշեց փիլիսոփա Բեռնար Հանրի Լեվին, Թուրքիա պետությունից ոչ մի սպասելիք պետք չէ ունենալ, սակայն թուրքական հասարակությունը, նրանք, ովքեր Թաքսիմ հրապարակում ասում էին՝ «Էրդողան, հեռացիր», պետք է հասկական, որ իրենց սեփական ազատության հարցը չի լուծվի, քանի դեռ չի հաղթանակել Հայոց ցեղասպանության մասին ճշմարտությունը: CCAF համանախագահՄուրադ Փափազյանի խոսքերով, ինչպես կարող է Թուրքիայի նման երկիր մուտք գործել Եվրոմիություն, հատկապես որ այն իր ժշտողականությունը տարածում է իր երկրի սահմաններից դուրս, որը եւ անհրաժեշտ է դարձնում Հայկական ցեղասպանությունը ուրացողների պատիժը նախատեսող օրենք: Հավաքի մասնակիցենրը նշեցին նաեւ, որ նախագահ Օլանդը հայերին խոստացել է, որ նշված օրինագիծը խորհրդարանի օրակարգ կմտնի մինչեւ իր Հայաստան կատարելիք պետական այցը՝ այսինքն մինչեւ այս տարվա մայիս ամիսը: Երեկոյի վերջում CCAF կազմակերպությունը հատուկ՝ Քաջության մրցանակ շնորհեց Բեռնար Լեվիին, ով վերջին տարիներին դարձել է հայ ժողովրդի մեծագույն պաշտպաններից մեկը: Այնուհետեւ ՀԲԸՄ եվրոպական գրասենյակի ղեկավար Ալեքս Գովչյանը ներկայացրեց 2015թ.-ին Հայոց ցեղասպանության 100-ամյակի տարելիցի հետ կապված ծրագիրը: Երեկույթն ավարտվեց Շարլ Ազնավուրի երգի ներքո: Հասմիկ Բաբասյան, «Նոյյան տապան», Փարիզ
Источник: медиа-холдинг "Ноян Тапан"
|