АРМИНФОЦЕНТР: 26 января 2014г. в г. Ванадзор, на территории храма, рядом с мемориалами в память жертв Спитакского землетрясения 1988г. и мучеников - жертв геноцида армянского народа совершенного со стороны Турции в 1894-1923г.г. на территории Западной Армении, был установлен памятник в посвященный погибшим воинам АСАЛА (Армянской секретной армии освобождения Армении). На церемонии открытия мемориала присутствовали ветераны АСАЛА, представители высшего духовенства ААЦ, члены патриотических и молодежных организаций, представители общественности.
Հունվարի 26-ին, Վանաձորի Ղարաքիլիսայի վանքի բակում, 1915թ. Հայոց Ցեղասպանության ու Սպիտակի 1988թ. դեկտեմբերի 7-ի երկրաշարժի հուշարձանների կողքին բացվեց Հայաստանի Ազատագրության Հայ Գաղտնի Բանակի (ՀԱՀԳԲ) – (ASALA) նահատակներին նվիրված հուշակոթող: Հուշակոթողի տեղադրման մտահաղացումը ծնվել է Ռազմիկ Մադարյանի՝ Վանաձորի երկրապահ կամավորական ջոկատի հրամանատար, ու վանաձորցի հայրենասեր եւ հայրենանվեր երիտասարդ Պողոս Ստեփանյանի եւ քանդակագործ Արա Հովհաննիսյանի մոտ: Սրա վառ ապացույցն է հանդիսանում քանդակործի կողմից կերտած ինքնատիպ ու յուրահատուկ կոթողն, որն արժանացավ բազմաթիվ մարդկանց ծափահարություններին ու համակրանքին: Նշենք,որ սա երկրորդ հուշակոթողն է 2000 թվականին Եռաբլուր պանթեոնում տեղադրված հուշարձանից հետո, որը հավերժացնելու է ԱՍԱԼԱ-ի նահատակ հայորդիների հիշատակն ու սխրագործությունները: Բացումից առաջ, եկեղեցում Տեր Ոսկան արքեպիսկոպոս Գալփակյանի նախագահությամբ կատարվեց հոգեհանգստյան արարողություն` նվիրված ԱՍԱԼԱ-ի նահատակների հիշատակին, միջոցառումն իր անզուգական կատարումով զարդարում էր եկեղեցական երգչախումբը: Բացմանը ներկա էին Հայաստանի Հանրապետության Պաշտպանության Նախարարության զորամասերից մեկի թվով 40 զինվորներ, Վանաձորի Երկրապահ կամավորական ջոկատի ներկայացուցիչներ, պատանի երկրապահներ, ԱՍԱԼԱ-ի նախկին մարտիկներ` Մարտիրոս Ժամկոչյանը, Վազգեն Սիսլյանը, Հակոբ Ջուլֆայանը, Սիմոն Նայիրյանը, ինչպես նաեւ համակիրներ, բազմաթիվ վանաձորցիներ, մտավորականներ եւ այլք: Բացման խոսքով հանդես եկավ արքեպիսկոպոս Ոսկան Գալփակյանն, ով հակիրճ պատմեց ԱՍԱԼԱ-ի պատմությունն ու անցած ուղին, իսկ այնուհետեւ ներկայացրեց միջոցառման բուն նպատակը: Այնուհետեւ ելույթներով հանդես եկան գրականագետ, գրող, Լոռվա մարզպետարանի լրատվական բաժնի ղեկավար Սամվել Խալաթյանը, «Վան» գործողության ջոկատի հրամանատար, «Ուխտ Արարատի» կազմակերպության խորհրդի անդամ Վազգեն Սիսլյանը, ով իր խոսքում նշեց, որ հիշատակի այս օրը նվիրվում է Հակոբ Տարագճյանի հիշատակին, իսկ հուշակոթողը՝ ԱՍԱԼԱ-ի բոլոր նահատակներին: Հայկական ժողովրդական շարժան գրասենյակի անունից խոսեց Ալֆրեդ Նավասարդյանը, նա շնորհակալություն հայտնեց բոլոր նախաձեռնողներից ու նշեց, որ այսօրվա միջոցառումն ունի պահանջատիրական նպատակ: Նշենք, որ Վանաձորում` թիվ 18 միջնակարգ դպրոցում, զինղեկ կապիտան Մարտուն Սահրադյանի նախաձեռնությամբ 2001 թվականին բացվել է ԱՍԱԼԱ-ի նահատակ տղաների հիշատակը հավերժացնող անկյուն, որը նրա խոսքերով մատաղ սերունդին օգնելու է մոտիկից ճանաչել ԱՍԱԼԱ-ի հերոսներին ու ավելի լավ իմանալ Հայաստանի Ազատագրության Հայ Գաղտնի Բանակի դերն ու նշանակությունը մեր պատմության մեջ: Հավերժ փառք մեր հերոսներին: Գարիկ Ավետիսյան Источник: Maxinfo.am
|