АРМИНФОЦЕНТР: Սիրիայի հայությունը գործնական ու վճռական օժանդակության կարիք ունի Շուրջ երկու տարի Սիրիայի ժողովուրդը եւ Սիրիայի հայությունը իր կամքից եւ ցանկությունից անկախ հայտնվել է պատերազմական իրադրության եւ հումանիտար աննախադեպ ճգնաժամի մեջ: Դեռեւս սիրիական ճգնաժամի սկզբից հայտնի էր, որ այն կարճ չի տեւելու, իսկ հայկական կողմը անմասն չի մնալու Սիրիայում ծավալվող դեպքերից: 2012 թվականի փետրվարի 9-ին Արեւմտյան Հայաստանի Վտարանդի Կառավարությունը հանդես եկավ «Հայությունը այլ տեղ չունի նահանջելու, բացի իր հայրենիքից՝ Արեւմտյան Հայաստանից» հայտարարությամբ: (Տե՛ս, http://www.youtube.com/watch?v=LvtWlv011hA) Մենք հասկանում էինք եւ հասկանում ենք, որ հայտարարությունները չէ, որ պետք է շտկեն իրադրությունը, բայց հասկանում ենք նաեւ, որ հայտարարությունը կարող է հանդիսանալ այն ուղեցույցը, որը Մերձավոր Արեւելքի հիմնական խաղացողներին կարող է մատնանշել հայության համար պիտանի եւ հասկանալի բազում ճանապարհներից առավել իրականը, իրավականը, անվտանգը եւ կիրառելին: Հակամարտությունը Մերձավոր Արեւելքում առաջ է բերել նոր իրողություններ, տարածաշրջանը վերաձեւավորվում է մինի-էթնիկական պետությունների միջոցով: Սիրիական ճգնաժամը եւս մեկ անգամ ուղղակիորեն ի ցույց դրեց հայության հիմնական խնդիրը Մերձավոր Արեւելքում եւ անուղղակիորեն ընդգծեց, որ հայությունը իր իրավունքները պետք է պաշտպանի ինքնուրույն եւ զենքով, օգտվելով Արեւմտյան Հայաստանի Վտարանդի Կառավարության կողմից ընդունված՝ «Մշտական, զինված, դրական չեզոքության մասին» որոշումից: (Տե՛ս, http://www.western-armenia.eu/stat.gov.wa/arm/2011/Arevmdian-Hayasdani-Azgayin-Khorhurti-Vorochum-2011.03.29.pdf) Արեւմտյան Հայաստանի Ազգային Խորհուրդը եւ Արեւմտյան Հայաստանի Վտարանդի Կառավարությունը պարբերաբար դիմել եւ դիմելու է Հայաստանի Հանրապետությանը, արտերկրում ապրող հայության հասարակական, համայնքային կառույցներին Սիրիայի հայության խնդիրները ներկայացնելու եւ օժանդակություն ստանալու նպատակով: Չնայած հայության համար առաջացած այս ծայրահեղ վտանգավոր վիճակին, Արեւմտյան Հայաստանի Ազգային Խորհուրդը եւ Արեւմտյան Հայաստանի Վտարանդի Կառավարությունը իրենց կարողությունների շրջանակներում անում են անհնարինը՝ Սիրիայի հայությանը պաշտպանելու համար: Արեւմտյան Հայաստանի Ազգային Խորհրդին եւ Արեւմտյան Հայաստանի Վտարանդի Կառավարությունը կրկին դիմում է ՄԱԿ-ի նախագահ պարոն Պան Գի Մունին, ՄԱԿ-ի Անվտանգության Խորհրդի անդամ երկրներին, Հռոմի Պապ Ֆրանցիսկոս Առաջինին՝ անհապաղ նյութական եւ հումանիտար օգնություն տրամադրելու Արեւմտյան Հայաստանի Ազգային Խորհրդին եւ Արեւմտյան Հայաստանի Վտարանդի Կառավարությանը՝ ապահովելու համար տարածաշրջանում բնիկ հանդիսացող եւ Սիրիայում կրոնական փոքրամասնություն կազմող Սիրիայի հայությանը: Արեւմտյան Հայաստանի Ազգային Խորհրդի Նախագահ` Արմենակ Աբրահամյան Գամշլի, Սիրիա Արեւմտյան Հայաստանի Վտարանդի Կառավարության Վարչապետ` Տիգրան Փաշաբեզյան 14.04.2013 թ
|