Անվստահություն` Կարեն Միքայելյանի անձի հանդեպ, ոմանք նրան նույնիսկ համարում են ՙՌուսաստանի մարդըՙ, որը Կրեմլի ցուցումով փորձում է Հայկական հարցը ծառայեցնել ՙմեծ եղբոր՚ շահերին: Իսկ տարբնույթ հարցերի շուրջ տարաձայնություններն էլ ժամանակին պատճառ դարձան, որ Միքայելյանի հետ համագործակցությունից հրաժարվեն մի շարք անվանի մտավորականներ: Դեռ երկու տարի առաջ քանդվեց նաև Միքայելյան-Աբրահամյան տանդեմը: Ռուսաստանի հայերի միության նախագահը, պարզապես, հրաժարվեց ֆինանսավորել պատմաբանին ու վերջինիս ազգափրկիչ ծրագրերը երկար ժամանակ մնացին չիրագործված: Միքայելյանի թիմակիցներն այս հարցում, իհարկե, մեղադրում են Արա Աբրահամյանին, նկատելով, թե վերջինիս հետաքրքրում են ոչ այնքան ազգային, որքան սեփական տնտեսական շահերը:
Իսկ այսօր արդեն, Կարեն Միքայելյանի` Հայաստանում հայտնվելն ու ակտիվ աշխատանքներ ծավալելը փաստում է այն մասին, որ գտնվել են Արա Աբրահամյանին փոխարինող ֆինանսավորման այլ աղբյուրներ:
Այս անգամ Միքայելյանը խիստ գործնական է տրամադրված. Երևան ժամանելու նպատակը հոկտեմբեր ամսվա առաջին տասնօրյակին ներկայացուցչական համաժողով կազմակերպելն է, ապա Փարիզում համագումար հրավիրելը: Ի դեպ, փարիզյան համագումարի օրը ևս որոշված է` նոյեմբերի 11-ը: Սակայն մոսկովյան պատմաբանի նպատակներն այսքանով չեն ավարտվում. Վերջինս հավակնում է դառնալ ձևավորվելիք համահայկական կառույցի նախագահը. սեփական նախաձեռնությամբ պատվիրակների ընտրությունը մեկ նպատակ ունի` դյուրին դարձնել նախագահ ընտրվելու ճանապարհը, իսկ լեգիտիմությունը քիչ շահարկելի: Սպասենք զարգացումներին:

Արմինէ Սիմոնյան (Երեւան)

(перепечатано в "Юсисапайл")