АРМИНФОЦЕНТР: Հիշատակի միջոցառում նվիրված Հայաստանի Ազատագրության

Հայ Գաղտնի Բանակի (ԱՍԱԼԱ-ի) հիմնադրման 37-ամյակին

Памятные мероприятия посвященные 37-й годовщине основания  Армянской секретной армии освобождения Армении «АСАЛА» - («ASALA»). На армянском языке

 Այսօր, հունվարի 20-ին Երեւանում` Առնո Բաբաջանյանի անվան համերգասրահում, տեղի ունեցավ միջոցառում նվիրված Հայաստանի Ազատագրության Հայ Գաղտնի Բանակի հիմնադրման 37-ամյակին:

Հայաստանի Հանրապետության օրհներգից հետո բացման խոսքով հանդես եկավ <<Ուխտ Արարատի>>, հայրենասիրական հասարակական նախաձեռնության խորհրդի անդամ, Բժշկական գիտությունների թեկնածու Հրանտ Աշճյանը:

Այնուհետեւ հնչեցին բանաստեղծական հետեւյալ տողերը

   Առանց հավատի հեշտ չէ մեռնելը,

Իսկ ապրելն արդեն անտանելի է...

Պետք էր, շատ էր պետք ինչ - որ բան անել,

Սակայն ի՞նչ անել եւ ինչպե՞ս, ինչպե՞ս…

Ապա բոլոր ժամանակներում ազգի անկախության, ազատության, արժանապատվության հաստատման ու պահպանման զոհասեղանին իրենց կյանքը նվիրաբերած նահատակների հիշատակին հայտարարվեց` Լռության րոպե:

Բանաստեղծական խոսքը շարունակվեց:

-Երանի նրանց, որ մութ բանտերում

Եւ չարչարանքում դժնի, որպես մահ

Մաշեցին այնքան օրեր հրահրուն

Գերված թշնամուց անսիրտ ու ագահ:

Երանի նրանց, որ սիրով հեռուն

Մնացին տոկուն, հպարտ ու անահ

Պարզած աչքերը դեպի լույս հեռուն

Արհամարհեցին եւ’ երկունք, եւ’ մահ,

Երանի նրանց եւ’ փառք, եւ’ օրհնանք:

 Այնուհետեւ հանդիսատեսը հնարավորություն ունեցավ ծանոթանալու Գուրգեն Յանիկյանի խոսքով համեմված տեսագրությանը:

ԱՍԱԼԱ-ի պատմությունը համառոտ ներկայացրեց <<Երկաթե շերեփ>>, <<Սփյուռք>> պարբերականների խմբագիր, պատմական գիտությունների թեկնածու Գեւորգ Յազճյանը: :

ԱՍԱԼԱ-ի դերը հայ իրականության մեջ ներկայացրեց Բանասիրական գիտությունների թեկնածու, գրականության պետական թանգարանի տնօրեն Կարո Վարդանյանը:

ԱՍԱԼԱ-ի հիմադրման 37-ամյակի կապակցությամբ իր սրտի խոսքն ասեց գրականագետ, հրապարակախոս, <<Հայերի դատը Փարիզում>> գրքի թարգմանիչ եւ կազմող Գրիգոր Ջանիկյանը:

Այնուհետեւ ներկայացվեց եւս մեկ տեսաերիզ - ԱՍԱԼԱ

Պատմական, գրական ու գիտական խոսքն այնուհետեւ հավելվեց մշակութային խոսքով:

Ելույթ ունեցան հեղինակային երգի վարպետ Վարուժան Աղաջանյանը, սիրված երգիչ Գրիգոր Համբարյանը, ապա նրանք միասին կատարեցին իրենց մտերիմ ընկերոջ` Գուսան Հայկազունի, ռազմահայրենասիրական երգերից:

Ապա բեմ բարձրացավ աշուղ, պետական բազմաթիվ պարգեւների դափնեկիր աշուղ Ռազմար Սասունցին, ում երգերի հնչյունների ներքո դահլիճում ներկա երիտասարդներն ինքնաբուխ բռնեցին հայկական ոգեշունչ <<Քոչարին>>, որը շարունակվեց նաեւ ներկայացված բանաստեղծությունից…

Մենք ծնվել ենք, աշխարհ եկել

Ոչ թե թվալ-երեւալու խաբեությամբ,

Այլ լինելու,

Այն լինելու, ինչ կանք իրոք:

Մենք ծնվել ենք, որ մարդկության

Հազար ու մի ինչո՞ւներից գոնե մեկի

Հարցապնդող աչքում մեխենք,

Մեր գոնե մեկ պատասխանը:

…եւ այն բանից հետո, երբ բեմ հրավիրվեցին`

Ալեք Ենիգոմշյանը - ԱՍԱԼԱ-ի նախկին անդամ, գործողությունը` Ժնեւ, հոկտեմբեր 1980 թ., դատավարությունը` Ժնեւ, հունվար 1981 թ.: <<Ուխտ Արարատի՚ նախաձեռնության խորհրդի անդամ է, <<Սարդարապատ>> շարժման նախաձեռնող խմբի անդամ, <<Մոնթե Մելքոնյան>> հիմնադրամի գործադիր տնօրեն:

Մարտիրոս Ժամկոչյանը - գործողությունը` Ժնեւ, 1981 թ., գործողությունից ժամեր անց ձերբակալվել է ու դատապարտվել 15 տարվա ազատազրկման: 11 տարի բանտում անցկացնելուց հետո վերադարձել է Հայաստան: Մասնակցել է Արցախյան հաղթական ազատամարտին: <<Ուխտ Արարատի>> նախաձեռնության խորհրդի անդամ է:

Վազգեն Սիսլյանը - գործողությունը` 1981թ սեպտեմբեր 24 Փարիզ: Փարիզի թուքական հյուպատոսարանի գրավման <<Եղիա Քեշիշյան>> անձնասպանական քոմանտոյի ղեկավար: Գործողութւան ժամանակ վիրավորվել է: Դատավարությունը` Փարիզ: հուվար, 1984 թ., դատապարտվել է 7 տարի ազատազրկման: Վերադարձել է Հայաստան: <<Ուխտ Արարատի>> նախաձեռնության խորհրդի անդամ է:

Հակոբ Ջուլֆայանը - գործողությունը` 1981թ սեպտեմբեր 24 Փարիզ: Փարիզի թուրքական հյուպատոսարանի գրավման <<Եղիա Քեշիշյան>> անձնասպանական քոմանտոյի ղեկավար: Գործողոթւյան ժամանակ վիրավորվել է: Դատավարությունը` Փարիզ, հունվար, 1984 թ., դատապարտվել է 7 տարի ազատազրկման: Վերադարձել է Հայաստան: <<Ուխտ Արարատի>> նախաձեռնության խորհրդի անդամ է:

Սիմոն Նաիրյանը - գործողությունը` Փարիզ, 14 հունիս 1983թ., Դատավարությունը` Փարիզ, 1984 թ.: Դատապարտվել է 15 տարվա ազատազրկման: 12 տարի բանտում անցկացնելուց հետո վերադարձել է Հայաստան: <<Ուխտ Արարատի>> նախաձեռնության խորհրդի անդամ է:

Երբ սկսվեց գեղարվեստական մասը եւ հնչեցին ռազմա-հայրենասիրական երգեր, դահլիճում գտնվող երիատասարդները մի ինքնաբուխ ոգեւորությամբ <<քոչարի>> բռնեցին եւ շարունակեցին այդպես մինչեւ

Միջոցառման ավարտին կրկին հնչեց օրվա կարգախոսը`

<<Հաղթանակ հայ ազատագրական պայքարին>>:

Ներկաներին տեղեկացրին նաեւ, որ ԱՍԱԼԱ-ի եւ Արցախյան հաղթական ազատամարտի հերոս նահատակների հոգեհանգստի արարողությունը տեղի կունենա հունվարի 21-ին, ժամը 15:00-ին, Եռաբլուր պանթեոնում:

<<Ուխտ Արարատի>>, հայրենասիրական հասարակական նախաձեռնության լրատվական կենտրոն

20-ը հունվարի 2012 թ.